Կրակոցներ՝ համար 18 երթուղին սպասարկող ավտոբուսի ուղղությամբ, վնասվել է հետևի ապակին

Այսօր` ժամը 12:00-ի սահմաններում, Մաշտոցի բաժին ահազանգ է ստացվել, որ Արզումանյան փողոցում օդաճնշիչ զենքից կրակել են 18 համարի ավտոբուսի ուղղությամբ։

Այս մասին Tert.am-ին տեղեկացրեցին ՆԳՆ ոստիկանության լրատվության բաժնից։

Նաև մանրամասնեցին, որ վնասվել է ավտոբուսի հետևի ապակին, տուժածներ չկան: Ոստիկանությունում կազմվում են համապատասխան փաստաթղթեր նախաքննական մարմին ուղարկելու համար: