Եղանակն՝ այսօր
Վրաստանի խորհրդարանը չեղարկել է «Օտարերկրյա ազդեցության թափանցիկության մասին» օրենքի վրա դրված նախագահի վետոն
Վրաստանի խորհրդարանը 84 կողմ ձայներով շրջանցել է «Օտարերկրյա ազդեցության թափանցիկության մասին» օրենքի դեմ նախագահ Սալոմե Զուրաբիշվիլու վետոն:
Վետոն հաղթահարելու համար անհրաժեշտ էր 150 պատգամավորից 76-ի կողմ ձայնը։
Նշվում է, որ օրենքն ուժի մեջ կմտնի հրապարակվելու հաջորդ օրը։ Վերջնականապես ուժի մեջ մտնելու համար օրենքը պետք է ստորագրի Վրաստանի նախագահը: Եթե նա հրաժարվի, օրենքը կստորագրի խորհրդարանի նախագահը։ Օրենքի գործողությունը կասեցնելու համար ընդդիմությունը կարող է դիմել Սահմանադրական դատարան
Հիշեցնենք, որ ավելի վաղ հաղորդել էինք, որ Վրաստանի նախագահը հայտարարել էր, որ վետո է դրել «Օտարերկրյա ազդեցության թափանցիկության մասին» օրինագծի վրա։
«Վետո եմ դրել «Օտարերկրյա ազդեցության թափանցիկության մասին» օրինագծի վրա:
Օրենքը որևէ փոփոխության կամ բարելավման ենթակա չէ և պետք է չեղյալ համարվի»,-հայտարարել էր նա։
Նշենք, որ Վրաստանում շարունակվում են բողոքի ակցիաները «օտարերկրյա գործակալների մասին օրենքի» դեմ։
Studio One