Հովհաննես Ազոյանը, Արմեն Մարգարյանը, Լիլիթ Հարոյանը, Անի Պետրոսյանը և այլք «Change» սիթքոմում (լուսանկարներ)

16:29 • 28.10.16

«Ucom» ցանցում գործող «Արմենիա պրեմիում» հեռուստաալիքի եթերում նոյեմեբերի 1-ից կմեկնարկի «Change» սիթքոմը, որը բաղկացած է 24 սերիայից:

Հումորային սիթքոմի գլխավոր դերակատարը Հովհաննես Ազոյանն է, որը ներկայանում է երեք կերպարով:

«Երեք կերպարով եմ հանդես գալիս՝ մեկը քրեական հեղինակություն ունեցող կերպար է, մյուսը՝ անհաջողակ, բայց ազնիվ դերասան, իսկ երրորդը՝ դերասան, որը փորձում է մարմնավորել հանցագործի: Վերջիններս միշտ ինչ-որ թյուրիմացությունների մեջ են ընկնում: Բարդ է մարմնավորել տարբեր կերպարներ և ամեն անգամ կերպարանափոխվել:Սիթքոմի առանցքում գլխավոր գործարքն է՝ «change» լինել»,- Tert.am Life-ի հետ զրույցում ասաց Հովհաննեսը:

Նշենք, որ ազնիվ դերասանը ստանձնում է իր կյանքի ամենակարևոր և ամենաբարդ դերը:

Հարցին՝ ինչո՞վ է այս սիթքոմը մյուսներից տարբերվում, Հովհաննեսը պատասխանեց. «Մեր նկարահանումները, ոչ թե տաղավարում են արվում, այլ տարբեր վայրերում: Կարծում եմ սա է տարբերությունը, քանի որ «Արմենիա պրեմիում»-ի բոլոր նախագծերն էլ շատ լավն են»:

Հումորային-ժամանցային սիթքոմում նկարահանվել են Արմեն Մարգարյանը, Արթուր Նալբանդյանը, Մարիամ Մելիքյանը, Լիլիթ Հարոյանը, Անի Քոչարյանը, Անի Պետրոսյանը:

«Առաջարկը ստացել եմ «Արմենիա» հեռուստաընկերության տնօրեն Դավիթ Բաբախանյանի կողմից: Սկզբում երկմտում էի, քանի որ ես դրամատիկ դերասան եմ և ինձ համար դժվար կլինի խաղալ այս ժանրում: Մենք ունենք այնպիսի դերասաններ, որոնք այդ ժանրում շատ լավ են հանդես գալիս: Բայց ծանոթանալով ստեղծագործական կազմի հետ, ինձ հետաքրքրեց և ընդունեցի առաջարկը»,-ասաց Արմեն Մարգարյանը:

Վերջինս մարմնավորում է Վահրամի կերպարը, որը ամեն ինչ անում է, որպեսզի Հովհաննեսը դերասանից հաջողությամբ կերպարանափոխվի հանցագործի։

«Որպես հանցագործների ներկայացուցիչ՝ հետևում եմ, որ դերասանը կարողանա ստանձնել դերը։ Այնպիսի իրավիճակներում ենք հայտնվում, որ շատ ծիծաղելի է: Ինչ ներկայացնում ենք, հեռու չի մեր հասարակությունից , մենք ունենք տարբեր շերտեր հասարակություն մեջ, որից մի շերտն էլ մենք ենք ներկայացնում: Մենք փորձել ենք ավելի թեթև մոտենանք և բացահայտենք նրանց անհեթեթությունները՝ ստեղծելով անհասկանալի, ծիծաղելի իրավիճակներ»,- եզրափակեց Արմենը:

Նշենք, որ հեռուստադիտողը յուարքանչյուր՝ երեքշաբթի և հինգշաբթի 21։00–ին, հնարավորություն կունենա դիտելու հումորային սիթքոմը: