6 հագուստ, որոնց շնորհիվ ավելի բարձրահասակ կերևաք

19:00 • 27.04.17

Կարճահասակ կամ միջահասակ կանայք ցանկանում են ավելի բարձրահասակ երևալ, քան իրականում կան։ Երբ աղջիկները հասկանում են, որ այլևս չեն կարող բարձրահասակ լինել, սկսում են բարձրահասակ երևալու այլ տարբերակներ գտնել։

Womenmag-ը գրում է, որ բարձրահասակ երևալու համար անհրաժեշտ է պարզապես ճիշտ հագուստ ընտրել։ Հագուստի միջոցով կարելի է տեսողական առումով երկարացնել ոտքերն ու ավելի բարձրահասակ թվալ։

1. Ճիշտ տաբատ ընտրեք։ Երբեմն, բարձրահասակ երևալու համար պետք է միայն երկար ոտքերի պատրանք ստեղծել։ Դրա համար բարձր գոտկատեղով տաբատներ ընտրեք և դրանք կարճ շապիկների հետ համադրեք։ Ինչպես նաև կարող եք կարճ ջինսերը համադրել ցանկացած շապիկի հետ։

2. Ճիշտ կիսաշրջազգեստ ընտրեք։ Կարճ կիսաշրջազգեստը ձեր ոտքերն ավելի երկար կդարձնի, իսկ մատիտ-կիսաշրջազգեստը կձգի ամբողջ կազմվածքը։ Այս դեպքում ևս նախապատվությունը տվեք բարձր գոտկատեղով տարբերակներին։

3. Միագույն հագուստ ընտրեք։ Երբ միագույն հագուստ եք ընտրում, ձեր կերպարն ամբողջական է դառնում։ Ոճաբանները խորհուրդ են տալիս մուգ գույներ ընտրել, քանի որ դրանք ևս կարող են բարձրահասակ տեսք հաղորդել ձեզ։

4. Նախապատվությունը տվեք V-աձև կտրվածք ունեցող շապիկներին։ Եթե ցանկանում եք բարձրահասակ երևալ, խուսափեք վիզը փակող բլուզներից։ Բաց պարանոցը տեսողական խաբկանք է առաջացնում, թե ավելի բարձրահասակ եք։ Նախապատվությունը տվեք երկար թևքեր ունեցող շապիկներին ու վերնաշապիկներին, քանի որ դրանք ևս ձգում են կերպարը։

5. Ուշադրություն դարձրեք ուղղահայաց գծերին։ Ուղղահայաց գծերը ձգում են կազմվածքը և բարձրահասակ դարձնում։ Կարող եք ընտրել ուղղահայաց գծերով վերնաշապիկներ, տաբատներ ու կիսաշրջազգեստները։

6. Մարմնագույն կոշիկներ հագեք։ Մարմանգույն դասական կոշիկներն ու բոկոտիկները երկարացնում են ձեր ոտքերը։ Նախապատվությունը տվեք հենց այս գույնին, քանի որ այն համապատասխանում է, գրեթե, բոլոր գույներին։