7 թրենդային տարբերակ բրալետը հագուստի հետ համադրելու համար

15:26 • 01.06.17

Շապիկ-կրծկալները՝ բրալետները, չափազանց տարածված ու նորաձև են այս սեզոնին: Դրանք 90-ականների նորաձևության շունչն են ապահովվում ու ցանկացած կերպար ավելի նուրբ ու կանացի են դարձնում:

Cosmo-ն գրում է, որ իրական կյանքում բավականին դժվար է բրալետն այնպես հագնել, որպեսզի վուլգար կերպար չստացվի: Դրանք բավականին գեղեցիկ են, այդ պատճառով էլ աղջիկները ցանկանում են ցույց տալ դրանք, սակայն հագուստի հետ ճիշտ համարդություններ ստեղծելն այնքան էլ հեշտ չէ:

Ահա 7 տարբերակ, որոնք կօգնեն բրալետներով գեղեցիկ ու նուրբ կերպարներ ստեղծել:

Վերնաշապիկի վրայից

Այս դեպքում կատարյալ համապատասխանում են սպիտակ վերնաշապիկները: Բրալետները կարող են լինել ցանկացած գույնի ու տեսակի, սակայն առավել նախընտրելի են սպիտակ ու սև տարբերակները:

Սպորտային հագուստի հետ

Այս դեպքում համապատասխանում են մոխրագույն բրալետները, սակայն կարող եք ընտրել նաև սև կամ սպիտակ տարբերակները: Սպորտային տաբատների լոգոների հատվածները ևս գեղեցիկ լրացում կլինեն կերպարում:

Դասական կոստյումի հետ

Եթե կարծում եք, որ դասական կոստյումը ձանձրալի է, ապա սխալվում եք: Փորձեք համադրել սև բրալետն ու սպիտակ կոստյումը, սակայն հաշվի առեք, որ տաբատը պետք է բարձր գոտկատեղով լինի:

Բարձր գոտկատեղով կիսաշրջազգեստ

Երեկույթներին պարտադիր չէ զգեստ հագնել, կարելի է նաև համադրել բարձր գոտկատեղով կիսաշրջազգեստն ու բրալետը: Այս դեպքում կարևոր է միայն կատարյալ մարզված մարմին ունենալ:

Շապիկի վրայից

Կարող եք համադրել ցանկացած գույնի ու ձևի շապիկները: Այս դեպքում կարևոր է միայն խուսափել կարճ կիսաշրջազգեստներից:

Թափանցիկ շապիկի տակից

Խոսքը տարածված սև ու թափանցիկ շապիկների մասին չէ, այլ նոր ու նորաձև ցանցավոր շապիկների մասին, որոնք տարբեր գույներ են ունենում: Կարող եք համադրել ցանկացած գույնի բրալետն ու նման շապիկը: