«Մասնակցում եմ հաղթելու համար». 19-ամյա Հովհաննես Սեմերջյանը՝ Costa Blanca fashion week մրցույթին կներկայացնի Կովկասը

15:59 • 01.08.18

Tert.am Life-ն իր ընթերցողներին արդեն պատմել է Իսպանիայում կայանալիք «Կոստա Բլանկա միջազգային նորաձևության դիզայներական շաբաթ» (Costa Blanca fashion week) մրցույթի և Հայաստանն ու Կովկասը ներկայացնող երեք մասնակիցների մասին: Կովկասը կներկայացնի Իլոնա Նուրիբեկյանը, Հայաստանը` Անուշիկ Ավագյանը, իսկ տղաներից Հայաստանի մասնակիցը Աշոտ Կարապետյաննն է:

Այս անգամ ներկայացնում ենք մրցույթին Կովկասը ներկայացնող տղա մոդելին: Նա 19-ամյա Հովհաննես Սեմերջյանն է:

Tert.am Life-ը Հովհաննեսի հետ զրուցել է մրցույթին մասնակցելու առաջարկի, նախապատրատսկան աշխատանքների և ունեցած սպասելինքերի մասին:

Նա նշեց, որ մրցույթին մասնակցելու առաջարկը ստացել էիր մտերիմ ընկերոջից, հաղորդավար Տիգրան Հարությունյանից և միանգամից համաձայնել: Առաջարկը ստանալու հարցում, Հովհաննեսի խոսքով նպաստել է սպորտային կազմվածքն ու արտաքինը: Նա պատմեց, որ 5 տարի զբաղվել է բրեք դանս պարաձևով, նաև սպորտով է զբաղվում:

«Մոդելային ասպարեզի հետ երբևէ առնչություն չեմ ունեցել, բայց ինձ միշտ հետաքրքրել է մոդելի աշխատանքը: Երբ ստացա առաջարկը, սկսեցի ուսումնասիրել մրցույթը, նրա կանոններն ու որոշեցի փորձել»,-ասաց նա:

Հովհաննես խոսքով մրցույթին նախապատրաստվելու աշխատանքները առավել ակտիվ կսկսեն սեպտեմբերից: Հիշեցնենք, որ Costa Blanca fashion week միջազգային մրցույթը կանցկացվի հոկտեմբերի 5-15-ը:

Հավհաննեսը պատմեց, որ մեկ տարի սովորել է Աբել Աբելյանի դերասանական դպրոցում,նկարահանվել է էպիզոդիկ դերերում: Իսկ այժմ նա սովորում է Ֆիզիկական Կուլտուրայի հայկական պետական ինստիտուտում: Մասնագիտությամբ կինեզոլոգ է:

«Ես կարծում եմ, որ մի քանի մասնագիտություն ունենալը միայն դրական է: Ես փորձելու եմ համատեղել այդ ամենը,-ասաց նա ,ապա ավելացրեց, որ Costa Blanca fashion week-ին մասնակցելուց հետո հնարավոր է իր քյալերը խորացնի մոդելային ասպարեզում,- Դեռ հստակ չեմ մկարող ասել թե կոնկրետ որ ուղղությամբ կգնամ, բայց որ մոդելային ասպարեզով հետաքրքրված եմ՝ դա միանշանակ»:

Խոսելով մրցույթից իր ակնկալիքների մասին՝ Հովհաննեսը նկատեց, որ մասնակցումէ ցանկալի արդյունք գրանցելու նպատակաով, իսկ այդ հարցում համոզված է, որ իրեն կօգնի սեփական ինքնավստահությունը:

«Իմ ինքնավստահության չափաբաժինը միշտ էլ բարձր է: Ես միշտ վստահ եմ ինձ վրա: հաստատ կարող եմ ասել, որ մասնակցում եմ հաղթանակի համար, բայց եթե անգամ չհաղթեմ, կարծում եմ այդ 15 օրերը, որ անցկացնելու ենք Իսպանիայում, արդեն որոշակի փորձառություն կտան ինձ»,-եզրափակեց նա: