«Ազիզյաններն» ավարտվում է․ առաջին լուսանկարները սիթքոմի վերջին եթերաշրջանից, հարսանիքն ու նոր դերասանուհին

Հումորային նոր իրավիճակներ, որոնցում կհայտնվեն արդեն սիրված հերոսները․ «Ազիզյանները» սիթքոմի վերջին եթերաշրջանը հոկտեմբերի 8-ից կլինի Ucom ցանցում գործող «Արմենիա պրեմիում» հեռուստաալիքի եթերում:

Tert.am Life-ը ներկայացնում է առաջին լուսանկարները նախագծի նոր եթերաշրջանից և դերասանական կազմում սպասվող փոփոխությունը:

Սա «Ազիզյանների» 7-րդ եթերաշրջանն է, որով կհանգուցալուծվի նրանց ընտանիքի պատմությունը: Գարիկ Պապոյանի, Անի Լուպեի, Բորիս Բաղդասարովի, Մարի Պետրոսյանի, Պոնչի՝ Տարոն Իսպիրյանի, Ստեփան Հովհաննիսյանի, Իշխան Ղարիբյանի, Սաթենիկ Հազարյանի, Սուրեն Առուստամյանի և այլ դերասանների մասնակցությամբ հումորային նախագծի նկարահանումներն արդեն ավարտվել են:

Այս եթերաշրջանում թիմին միացել է նոր դերասանուհի՝ Փառանձեմ Սահակյանը, որը գալիս է փոխարինելու Նարինե Ոսկանյանին՝ Պաուզա Անոյին:

Նոր եթերաշրջանում Գարիկի և Նարինեի կերպարներն ամուսնանում են, ինչից հետո վերջինս ջանք չի խնայում նիհարելու ու կերպարանափոխվելու համար: Կերպարանափոխությունից հետո հեռուստադիտողն էկրանին կտեսնի Փառանձեմին: