Հայաստանը ներկայացնող Մոնիկա Գրիգորյանի ելույթը «Միսս տիեզերք» մրցույթում

Tert.am Life-ն իր ընթերցողներին ներկայացրել է, թե ինչ look-երով է ներկայանում Մոնիկա Գրիգորյանը «Միսս տիեզերք» գեղեցկության մրցույթի միջոցառումներին։ Երեկ կայացել է մրցույթի տարազով ելույթի փուլը, որը չի գնահատվում և մրցութային չէ։

Tert.am Life-ը ներկայացնում է Մոնիկայի ելույթն ու «Միսս Արմենիա» ՀԿ նախագահ Գոհար Հարությունյանի արձագանքը։

Մեզ հետ զրույցում Գոհարն ասաց, որ ազգային տարազով ցուցադրությունն ավելի շատ մշակույթի և ազգային առանձնահատկության տոն է․ «Այս տարի մենք ցուցադրեցինք Լուսիկ Ագուլեցու 19-րդ դարի զարդերով Երևանի տարազը, որը համարվում է հայկական ավանդական ազգային հագուստ։ Թեև ելույթը չի գնահատվում, Մոնիկան շատ լավ է ներկայացել։ Այսօր էլ սպասվում է ամենակարևոր մրցույթը։ Աղջիկները պետք է ներկայանան լողազգեստով և երեկոյան զգեստով։ Հենց այսօր ժյուրին կանի իր ընտրությունը»,– ասաց Գոհարն ու պատմեց, որ մինչև մրցույթին մասնակցելը Մոնիկան Նյու Յորքում մասնակցել է թրեյնինգի, որը նրան շատ է օգնել։

 

 

 

View this post on Instagram

A post shared by Tert.am Life (@tert.am.life)

Արդեն մայիսի 17–ին կկայանա մրցույթի շոուն, աղջիկները կներկայանան կոկտեյլային զգեստներով, հայտնի կդառնա հաղթողի անունը, բայց որոշիչ օրն այսօր սպասվելիք ցուցադրությունն է։

«Մոնիկան իսկապես իրեն շատ լավ է դրսևորում։ Թեև ես չեմ մեկնել, այնտեղից շատ լավ արձագանքներ եմ ստանում թե՛ Մոնիկայի, թե՛ առհասարակ, մեր կազմակերպության ներկայացվածության մասին։ Մեր մասնակցությունը շատ արդյունավետ էր։ Պանդեմիայի ժամանակ շատ երկրներ հրաժարվել են մասնակցությունից, մենք հետպատերազմական իրավիճակում մասնակցեցինք, և դա գնահատվում է»,– ասաց Գոհարը։

Նա ոգևորությամբ նկատեց, որ մրցույթի շրջանակում Մոնիկան երեկ հարցազրույց է տվել, որը շատ լավ է անցել, խոսել է ոչ միայն իր դժվար մանկության, այլև պատերազմի մասին։ Հարցազրույցը հասանելի կլինի շուտով։