«Ընկերներս ասում են՝ լրիվ ուրիշ Ջուս է»․ Ջուսը՝ 42–ամյակի, պլաստիկ վիրահատության և փոփոխությունների մասին

19:12 • 09.07.21

Երգչուհի Ջուսն այսօր դառնում է 42 տարեկան։ Երգչուհին պատմեց, որ Չնայած անելու ցանկություն չուներ, օրը նշել է աշխատավայրում՝ գործընկերների հետ, որոնց թվում է եղել Լիլիթ Կարապետյանը։ Ծննդյան օրվա, երազանքների ու անձնական կյանքում փոփոխությունների մասին Ջուսը պատմել է Tert.am Life-ին։

«Համավարակի պատճառով տրամադրություն չունեի, չէի ցանկանում նշել ծննդյանս օրը, բայց քանի որ աշխատում եմ ակումբներից մեկում, առանց պլանավորելու իմ կոլեգաների հետ շատ լավ նշեցինք սկսած կեսգիշերից։ Շատ անակնկալներ ու նվերներ ստացա, մինչև հիմա էլ ստանում եմ»,– ասաց նա։

Երգչուհին ասաց, որ ծննդյան նվերներից ամենից շատ գումարն է հավանել․ «Գումարով կարող ես գնել այն, ինչ ուզում ես։ Ես շատ եմ սիրում ծննդյանս օրը հենց գումար ստանալ»։

42–ամյա երգչուհին վերջերս որոշել է դիմել պլաստիկ վիրահատության՝ վիրահատել է քիթը։ Նրա խոսքով՝ դա իրեն նոր ինքնավստահություն է տվել։

«Արտաքին տեսքիս մեջ քիչ փոփոխություններ եմ արել, միայն ատամնաշարս եմ ուղղել և քիթս վիրահատել, բայց ընկերներս ասում են՝ լրիվ ուրիշ Ջուս է։ Նաև դաջվածքներ եմ արել, որոնք ինձ դուր են գալիս, ամեն դաջվածքս իր խորհրդանիշն ունի՝ հարստություն, ներդաշնակություն, առողջություն։ Մարմինս կարելի է կարդալ»,– ասաց նա։

Ջուսը չի դադարում երազանքներ մտապահել․ նրա այս տարվա երազանքներից է ծով գնալը։ Կատակում է, ասելով, որ լավագույն դեպքում կարող է կողքի շենքի լողավազան գնալ, կամ էլ Մալդիվներ, բայց վիրտուալ տիրույթում։) «Երազում եմ ունենալ պալմաներով շրջապատված մեծ տուն և գեղեցիկ տղամարդ, որը ինձ կհասկանա ու կսիրի,– ասաց երգչուհին, միաժամանակ նշեց, որ իր անձնական կյանքում որևէ փոփոխություն չկա։ –Չեմ գտնում իմ ուզած տղամարդուն, ես սիրում եմ, որ ջենթլմենի նման ինձ գեղեցիկ սիրահետեն, հետաքրքիր քայլեր անեն»։