Ես գերհագեցած առօրյա ունեմ, գիտությամբ եմ զբաղվում. Ռիփփին՝ խոշոր հոնորարի ու զբաղմունքների մասին

Երգչուհի և դերասանուհի Ռիփիին տևական ժամանակ հեռուստասերիալային դադարից հետո նկարահանվել է նոր հեռուսասերիալում: Tert.am Life-ի հետ զրույցում նա պատմել է, թե ինչու չի նկարահանվում հեռուստասերիալում, նոր նախագծում իր կերպարի և գիտությամբ զբաղվելու մասին:
«Հիմա աշխատում եմ մի քանի երգերի վրա, որոնք տարբեր ոճերի են, հիմա դրանք ձայնագրվում են, իսկ հետագայում նաև կսկսենք տեսահոլովակի նկարահանումները: Իրականում, հիմա չեմ շտապում, այդ նախագծերի շուրջ կանոնակարգված, հանգիստ աշխատում եմ»,- ասաց նա:

Դերասանուհին նկարահանվել է հումորային նոր հեռուստանախագծում՝ «Ժառանգ80», որտեղ խաղացել է մի դրվագում:

«Մի հեռուստանախագծից ստացա հետաքրքիր առաջարկ, որպեսզի նկարահանվեմ փոքրիկ դրվագում, ու մի փոքրիկ դրվագում նկարահանվելու համար առաջարկվեց գումար, որը տալիս են ամբողջական սիթքոմում նկարահանվելու դիմաց ու ես համաձայնվեցի, նշեմ նաև՝ հետագայում լինելու են այլ համագործակցություններ, բայց այլ նախագծերի շրջանակներում: Այս նախագծի համար ես ստացել եմ մի ամբողջ սիթքոմի ընթացքում խաղալու գումար, որը, սովորաբար լինում է հիմնական դերի համար»,- պատմեց դերասանուհին:

Նրա խոսքով, վերջին շրջանում ստացել է մի քանի առաջարկ, բայց ֆինանսական հարցերով պայմանավորված դրանք մերժել է։
«Վերջին մի անի օրերի ընթացքում եղել են առաջարկներ, որոնք չեմ ընդունել և պատճառը եղել է ֆինանսական, այսինքն դերի համար չեն վճարել այնքան որքան անհրաժեշտ է: Ես չունեմ հայտնիության խնդիր, բայց եթե առաջարկն ինձ համար շահավետ չէ, այն ինձ չի հետաքրքրում»,- ասաց նա:

Ռիփփին նաև պատմեց, որ զբաղվում է նաև գիտությամբ.
«Ես գերհագեցած առօրյա ունեմ, հետաքրքիր գիտություններով եմ զբաղվում, իսկ նման փոքրիկ բաները հեռու են ինձնից ու վերաբերմունք ցույց չեմ տալիս նման երևույթներին: Ես զբաղված եմ ոչ ստանդարտ հոգեբանական գիտություններով, բայց շատ փակագծեր չեմ ուզում բացել, դա ընտանեկան է և վաղուց, իսկ դրա մասին գրեթե չեմ խոսում: Երբեմն խորհուրդներ եմ տալիս ինձ շատ մոտ մարդկանց՝ իմանալով, որ դա կարող է իրենց օգնել, նրանք էլ գալիս են ինձ մոտ»,-նշեց Ռիփփին: