Շոու բիզնեսի ներկայացուցիչները «Haykos Friends Day» հատուկ օր են կազմակերպել Հայկոյի ծննդյան 51-ամյակի առթիվ

10:37 • 26.08.24

Երեկ՝ օգոստոսի 25-ին երգիչ Հայկոն կդառնար 51 տարեկան: Նրան շնորհավորել են շոու բիզնեսի ներկայացուցիչներները, երգչի ընկերները հատուկ օր են կազմակերպել՝ «Haykos Friends Day», երգել Հայկոյի երգերն ու խոսել նրա մասին: Ներկա են եղել Սիրուշոն, Սյուզան Մարգարյանը, Հրաչ Քեշիշյանը, Ավետ Բարսեղյանը, Սոֆի Մխեյանը, Հայկոյի որդին՝ Արմանը, մայրը՝ Սուսաննա Նիկողոսյանը և այլք:

Երգչուհի Անահիտ Սիմոնյանը շնորհավորել է Հայկոյի ծննդյան տարեդարձը, նա Հայկոյի և որդու՝ Արմանի հետ լուսանկար է տեղադրել ինստագրամյան էջում և կից գրառում արել.

«Ծնունդդ շնորհավոր, Հայկո թող հոգիդ խաղաղ լինի: Հույս ունեմ, քո աշխարհում ամեն բան ավելի խաղաղ է, քան մեր: Դու միշտ մեր սրտերում ես: Դու շատ կհպարտանայիր մեր որդով, նա մեծացել,խելացի և ուժեղ տղա է դարձել: Խնդրում եմ, շարունակիր նրան պաշտպանել, ինձ միայնակ դժվար է»,- գրել է երգչուհին:

«Ծնունդդ շնորհավոր: Ուր էլ լինես, դու ինձ հետ ես, մեր սեղանին, մեր հոգիներում։ Ու մեր մեջ»,- ֆեյսբուքի իր էջում գրել է երգիչ Արսեն Սաֆարյանը:

«Ժամանակի հետ ավելի եմ համոզում, որ դու անփոխարինելի ես իմ կյանքում: Քեզ շատ սիրում ու կարոտում եմ,
Շնորհավոր ծնունդդ»,- գրել է Էրիկը:

«Մեր նման երկրում արտիստի լավագույն օրինակն է: Հայկոյի օրինակը ուսանելի է և մոտիվացնող և հենց այդ պատճառով է պետք շատ խոսել Հայկոյի մասին: Ժամանակաշրջանի առումով Հայկոն ամենավառ ու ամենալավ օրինակն է երիտասարդների համար: Ինչպես դառնալ արտիստ, ինչպես լինել սիրելի, և՛ տաղանդավոր, և՛ ընկալելի, և՛ ընկեր»,- Հայկոյի մասին ասել է պրոդյուսեր Հրաչ Քեշիշյանը:

«Երկնային ծնունդդ շնորհավոր Հայկոս»,- գրել է երգչուհի Սյուզաննա Մելքոնյանը:

Հայկոյին շնորհավորել է նաև ոդրին՝ Արմանը, նա ինստագրամյան էջում Հայկոյի հետ լուսանկար է տեղադրել և գրել.

«Պապաս, ծնունդդ շնորհավոր»: