Մասնագետները ներկայացրել են ավոկադոյի ամենաօգտակար հատկությունները, որոնց մասին քչերը գիտեն

Ավոկադոն բավական յուրահատուկ միրգ է, որը կիրառվում է ամենատարբեր ուտեստների պատրաստման համար, սակայն, այնուամենայնիվ, քչերին են հայտնի այս մրգի բոլոր օգտակար հատկությունները, ինչի հետևանքով էլ այն հաճախ անտեսվում է։ Մասնագետները ներկայացրել են ամենակարևոր պատճառները սննդակարգում ավոկադո ներառելու համար։

Այս միրգն առաջին հերթին գնահատվում է իր յուրահատուկ բաղադրության համար։ Այն հարուստ է մեծ քանակությամբ վիտամիններով, հանքանյութերով ու ճարպաթթուներով, ինչի շնորհիվ օգնում է պայքարել ամենատարբեր հիվանդությունների դեմ։ Այս օգտակար տարրերը պայքարում են ազատ ռադիկալների դեմ, պաշտպանում են բջիջները վնասվածքներից ու դուրս են բերում վտանգավոր տոքսիններն օրգանիզմից՝ դրանով իսկ կանխելով քաղցկեղի զարգացումը: Բացի այդ ավոկադոն օգնում է կարգավորել օրգանիզմում վատ խոլեստերինի մակարդակը` մաքրելով անոթներն ու բարելավելով սրտանոթային համակարգի աշխատանքը։

Ավոկադոն բարելավում է մարսողությունը, ազատում է փորկապությունից, բարելավում է տեսողությունն ու նվազեցնում է արյան մեջ շաքարի մակարդակը։ Չնայած իր բարձր կալորիականությանը՝ այս յուրահատուկ միրգն օգնում է նաև նիհարել: Բանն այն է, որ այն հարուստ է օրգանիզմի համար շատ կարևոր մոնոչհագեցած ճարպաթթուներով, որոնք տարրալուծում են վնասակար հագեցած ճարպերն ու թույլ չեն տալիս դրանց կուտակվել որովայնի հատվածում տհաճ ճարպաշերտերի տեսքով։

Այս համեղ միրգը հարուստ է մեծ քանակությամբ А և Е վիտամիններով, որոնք շատ կարևոր են մաշկի համար, ուստի պարբերաբար քիչ քանակությամբ ավոկադո ուտելը կօգնի պահպանել մաշկի երիտասարդությունը: Բացի այդ, այն շատ օգտակար է նաև տղամարդկանց համար, քանի որ բարենպաստ ազդեցություն է ունենում նրանց սերմնահեղուկի որակի վրա:

Ավոկադոն շատ օգտակար է հղի կանանց համար: Այն հարուստ է ֆոլաթթվով, ինչի շնորհիվ կանխում է պտղի մոտ բնածին արատների զարգացումը: Ավելին՝ սա այն մթերքն է, որը պետք է հետագայում անպայման ներառվի երեխայի սննդակարգում: Բանն այն է, որ ավոկադոն բարելավում է գլխուղեղի արյան շրջանառությունը, նպաստում է կոգնիտիվ կարողությունների բարելավմանը՝ դրանով իսկ օգնելով արագ սովորել ու յուրացնել տեղեկությունը, ինչպես նաև նպաստում է օրգանիզմում կալցիումի յուրացմանը: Սա է պատճառը, որ այն շատ կարևոր է նաև տարեցների համար:

Մասնագետները վստահ են, որ ավոկադոն սննդամթերքի լավագույն տեսակներից է առողջական վիճակի բարելավման և լավ ինքնազգացողության պահպանման համար: Ներկայում կան ավոկադոյով ուտեստների բազմաթիվ բաղադրատոմսեր, ուստի այս մթերքը կարելի է հեշտությամբ ներառել ամենօրյա սննդակարգում:

Նյութի աղբյուրը՝ med2.ru