Առողջական ինչ խնդիրների զարգացման պատճառ կարող է դառնալ սուրճը

Սուրճն ամենատարածված ըմպելիքներից մեկն է և առանց դրա շատերն իրենց օրը պարզապես չեն պատկերացնում։ Այն առույգացնում է, թարմացնում և էներգիա է հաղորդում, իսկ մասնագետները պարբերաբար հիշեցնում են դրա օգտակար հատկությունների մասին՝ հորդորելով չհրաժարվել սուրճից, սակայն միևնույն ժամանակ այս ըմպելիքը կարող է և բացասաբար անդրադառնալ, ուստի այն կիրառելիս հարկավոր է շատ ուշադիր լինել։

Մասնագետների խոսքով՝ սուրճն օրգանիզմի վրա դրական ազդեցություն է ունենում բացառապես չափավոր գործածության դեպքում, մինչդեռ չարաշահումը կարող է շատ վտանգավոր լինել։ Բրիտանացի գիտնականների հետազոտությունները ցույց են տվել, որ սուրճի սիրահարների մոտ տարիների ընթացքում կարող են զարգանալ այնպիսի առողջական խնդիրներ, ինչպիսին են օստեոպաթիան (հոդերի երկրորդական ապտահարում այլ հիվանդությունների կամ ախտաբանական վիճակների ֆոնին), օստեոարթրիտը (հոդերի հիվանդություն) և ճարպակալումը։ Հետազոտության հեղինակները պնդում են, որ սուրճի չարաշահումը, ինչը ենթադրում է օրական 4-5 բաժակից ավել սուրճի գործածություն, միայն էլ ավելի է խորացնում հոդերի հետ կապված խնդիրները և կարող է հանգեցնել օրգանիզմում մի շարք այլ խանգարումների, այդ թվում նաև գլխացավերի, զարկերակային ճնշման տատանումների ու լյարդի աշխատանքի խանգարումների զարգացման։

Փորձագետները նախազգուշացնում են, որ թարմացնող այս ըմպելիքը կարող է կախվածություն առաջացնել, ուստի հարկավոր է շատ ուշադիր լինել ու չգերազանցել թույլատրելի չափաբաժինը։ Ընդ որում՝ սուրճի օրական թույլատրելի չափաբաժինը, որը չի առաջացնի կախվածություն ու կողմնակի բարդություններ, երեք փոքրիկ բաժակն է, որը խորհուդր է տրվում խմել մինչև կեսօր, ուստի հարկավոր է շատ ուշադիր լինել այն չգերազանցելու համար։

Նյութի աղբյուրը՝ health.comments.ua