Լավագույն բնական միջոցները հազից ազատվելու համար. 3 բաղադրատոմս

Հազը շնչառական համակարագի հիվանդույթունների մասին հուշող ամենատարածված ախտանշաններից մեկն է։ Սա կրկնվող ռեֆլեքս է, որի միջոցով օրգանիզմը փորձում է ազատվել օտար մարմնից կամ հիվանդության հարուցիչներից։ Շատ հաճախ հազը պահպանվում է անգամ հիմնական հիվանդությունը բուժելուց հետո, քանի որ երբեմն դրանից ազատվելն այդքան էլ հեշտ չի լինում։

Այս տհաճ խնդրի դեմ մարդիկ սովորաբար պայքարում են հատուկ օշարակների, հաբերի կամ սառնաշաքարների միջոցով, սակայն նման դեղամիջոցները հաճախ են առաջացնում կողմնակի բարդություններ և ոչ միշտ են բավական արդյունավետ լինում: Սա է պատճառը, որ անգամ փորձառու մասնագետները հաճախ խորհուրդ են տալիս նախապատվությունը տալ ժողովրդական միջոցներին, որոնք փորձված են, արդյունավետ ու չեն առաջացնում կողմնակի բարդություններ:

Ձեր ուշադրությանն ենք ներկայացնում մի քանի արդյունավետ ժողովրդական միջոց, որոնք կօգնեն մեղմել հազն առանց վնասակար դեղամիջոցների գործածության։

• 1:1 հարաբերակցությամբ խառնել տատրակի մանրացրած տերևներն ու տուղտի արմատները, այնուհետև ստացված խառնուրդի 1 ճաշի գդալին ավելացնել մի բաժակ ջուր և 2 ժամ թրմել թերմոսի մեջ: Ստացված թուրմը թամել, բաժանել 3 մասի և խմել օրվա ընթացքում:
• 1 ճաշի գդալ եզան լեզվի չորացրած տերևներին ավելացնել մի բաժակ եռման ջուր, 1 ժամ թրմել թերմոսի մեջ, այնուհետև քամել: Թուրմը հարկավոր է ընդունել օրական 2 անգամ կես բաժակ:
• Սև բաղկը քերիչով մանրացնել և հյութը քամել, այնուհետև կես լիտր հյութին ավելացնել 200 գրամ ծորուն մեղր ու խառնել մինչև լուծվի: Ստացված խառնուրդը հարկավոր է ընդունել ուտելուց առաջ և քնելուց առաջ երկուական ճաշի գդալ:

Այս բնական միջոցները շատ պարզ են ու արդյունավետ, սակայն հարկ է հիշել, որ նման միջոցները կարելի է կիրառել միայն մասնագետի հետ խորհրդակցելուց հետո, քանի որ ինքնաբուժությունը կարող է շատ վտանգավոր լինել ու լուրջ բարդություններ առաջացնել: Բացի այդ, միայն փորձառու մասնագետը կկարողանա պարզել խնդրի պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:

Նյութի աղբյուրը՝ aif.ru