Ամենաարդյունավետ բնական միջոցները մազարմատներն ամրապնդելու և փարթամ ու առողջ վարսեր ունենալու համար․ 5 բաղադրատոմս

17:29 • 20.03.22

Փարթամ ու առողջ վարսեր ունենալու մասին շատերն են երազում, սակայն շատ հաճախ սխալ խնամքը, վատ սննդակարգը, մազերի հարդարման վնասակար միջոցների գործածությունն ու արտաքին միջավայրի անբարենպաստ պայմանները խիստ բացասաբար են անդրադառնում մազերի որակի, աճի ու տեսքի վրա։ Այս ամենի հետևանքով մազերը վնասվում են, թուլանում, նոսրանում ու կորցնում են առողջ փայլը, ինչը կարող է բավական տհաճ խնդիր դառնալ յուրաքանչյուրի համար։

Նման խնդիրներից խուսափելու և մազարմատներն ամրապնդելու համար մարդիկ սովորաբար կիրառում են հատուկ դիմակներ ու կոնդիցիոներներ, սակայն դրանք պարունակում են քիմիական վնասակար տարրեր և ոչ միայն անարդյունավետ են լինում, այլև կարող են էլ ավելի վատթարացնել մազերի վիճակը։ Սա է պատճառը, որ մասնագետները հորդորում են խուսափել պատրաստի խնամքի միջոցներից և նախապատվությունը տալ բնական դիմակներին, որոնք արդյունավետ են, շատ ավելի հասանելի և չեն պարունակում որևէ վնասակար բաղադրիչ։

Ձեր ուշադրությանն ենք ներկայացնում լավագույն բնական միջոցները մազարմատներն ամրապնդելու և փարթամ ու առողջ վարսեր ունենալու համար։

1 ճաշի գդալ չոր մանանեխի փոշուն ավելացնել 2 ճաշի գդալ մի փոքր տաքացրած կռատուկի յուղ և 1 ձվի դեղնուց, լավ խառնել ու քսել դիմակը գլխամաշկին ու մազերին։ Թողնել խառնուրդը 10 րոպե, այնուհետև լվանալ մազերը։
1 թեյի գդալ չոր մանանեխի փոշուն ավելացնել 3 ճաշի գդալ կեֆիր, լավ խառնել ու ստացված դիմակը քսել գլխամաշկին ու մազերին։
Խառնել 1 թեյի գդալ կեչու տերևները, 1 թեյի գդալ գայլուկի կոներն ու 1 թեյի գդալ վաղենակի չորացրած ծաղիկները, այնուհետև խառնուրդին ավելացնել մեկ բաժակ բաց գույնի տաք գարեջուր, թրմել մեկ ժամ և քամել։ Ստացված հեղուկը հարկավոր է քսել գլխամաշկին ու մազերին, մի փոքր մերսել, թողնել կես ժամ, որից հետո լվանալ գլուխը։
Խառնել մեկական ճաշի գդալ եղնջի տերևները, դաշտային ձիաձետի խոտն ու երիցուկի ծաղիկները, այնուհետև խառնուրդին ավելացնել 1 լիտր ջուր և 30 րոպե եփել տաք գոլորշու վրա։ Ստացված թուրմն օգտագործել լոգանքից հետո վարսերը մաքրաջրելու համար։
1-2 ճաշի գդալ բուսայուղին (կռատուկի յուղ, գերչակի յուղ, չիչխանի յուղ կամ նշի յուղ) ավելացնել նույն քանակությամբ սոխի հյութ և ձվի դեղնուց, այնուհետև լավ խառնել ու քսել գլխամաշկին և մազերին։ Թողնել դիմակը մեկ ժամ, որից հետո լվանալ գլուխը շամպունով։ Այս պրոցեդուրան հարկավոր է կրկնել շաբաթական երկու անգամ։

Այս բնական միջոցները շատ պարզ են ու արդյունավետ, սակայն հարկ է հիշել, որ որոշ դեպքերում մազաթափությունն ու մազերի որակի վատթարացումը կարող է պայմանավորված լինել առողջական լուրջ խնդիրներով, ուստի մինչ նման միջոցների կիրառումը հարկավոր է անպայման խորհրդակցել մասնագետի հետ։ Ոչ մի դեպքում չի կարելի զբաղվել ինքնաբուժությամբ, քանի որ դա կարող է շատ վտանգավոր լինել ու լուրջ բարդություններ առաջացնել: Բացի այդ, միայն փորձառու մասնագետը կկարողանա պարզել կոկորդի ցավի հիմնական պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:

Նյութի աղբյուրը՝ aif.ru