Ինտիմ կյանքի խնդիրները՝ ընտանիքի ամրության խաթարման պատճառ․ Սևադա Հակոբյան

Հայ Ամերիկյան Առողջության Կենտրոնի սեքսապաթոլոգ, դոցենտ Սևադա Հակոբյանն անդրադարձել է զույգերի ինտիմ կյանքում ի հայտ եկող խնդիրներին․

«Ընտանեկան վեճերի ճնշող մեծամասնությունը և սառնությունը հարաբերություններում այս կամ այն կերպ կապված են զուգընկերների ինտիմ կյանքի հետ:

Ավելին, սիրային և ընտանեկան հարաբերությունների վատթարացման և ինտիմ ոլորտի միջև այդ կապը կարող է լինել ուղղակի կամ միջնորդավորված:

Ուղղակի կապը այն է, երբ տղամարդը կամ կինը բացահայտ զայրացած է իր զուգընկերոջ վրա, մասնավորապես այն պատճառով, որ կինը/ ամուսինը հրաժարվում է ինտիմ մերձեցումից, առաջարկում է անընդունելի սեռական կյանքի ձևեր կամ համաձայնվում է մտերմության հազվադեպ և դժկամորեն: Անուղղակի կապը մտերմության և հարաբերությունների վատթարացման միջև այն է, երբ զուգընկերներն ընդհանուր առմամբ լավ են իրար հետ շփվում և զույգերից մեկը նույնիսկ չի էլ գիտակցում, որ նրանք որոշակի խնդիրներ ունեն սեռական ոլորտում և որ նրանց ինտիմ կյանքի առկա մակարդակն իրականում իրական չէ՝ ապահովում է որևէ մեկի կարիքները:

Արդյունքում, տղամարդը կամ կինը դառնում են հոգեբանորեն լարված, նյարդայնացած և դյուրագրգիռ, մինչև անգամ չեն հասկանում, թե ինչու է դա տեղի ունենում, չհասկանալով, որ դրա պատճառը սեքսուալ ոլորտի հետ կապված խնդիրներն են, սեռական բավարարվածության բացակայությունը:

Տղամարդկանց և կանանց կեսից ավելին գնահատում են իրենց սեռական կյանք կանոնավոր զուգընկերոջ (ամուսնու կամ կնոջ) հետ որպես անբավարար՝ սեռական լիակատար բավարարվածություն ստանալու համար:

Դրանով են բացատրում թե ինչու են այդքան շատ սիրային և ընտանեկան դավաճանություններ տեղի ունենում, քանի որ շատ տղամարդիկ և կանայք չեն կարողանում լիարժեք բավարարվածություն ստանալ իրենց արդեն գոյություն ունեցող սիրային և ընտանեկան հարաբերություններում»: