Եղանակն՝ այսօր
Շինծու հերյուրանք է. Տիգրան Բալայանը հերքում է, որ Դանիայում ՀՀ դեսպանը վիրավորված հեռացել է՝ իր հետ տանելով դեսպանատան գույքը
Կեղծ, շինծու հերյուրանք է․ՀՀ արտաքին գործերի նախարարության մամուլի խոսնակ Տիգրան Բալայանը Tert.am-ի հետ զրույցում այսպես արձագանքեց օրաթերթերից մեկի հրապարակմանը, ըստ որի՝ Դանիայում Հայաստանի նախկին դեսպան Հրաչյա Աղաջանյանը վիրավորված է հեռացել դեսպանատնից՝ իր հետ տանելով նաև դեսպանատան գույքը, որն իր միջոցներով է ձեռք բերել:
Հիշեցնենք, որ լրատվամիջոցը գրել էր, որ իրենց տեղեկություններով՝ Հրաչյա Աղաջանյանը սարսափելի վիրավորված է իր հանդեպ ՀՀ իշխանությունների վերաբերմունքից: Լրատվամիջոցը ներկայացրել էր, որ դեսպանը, որը հաջողակ բիզնեսմեն է և իր միջոցներով էր հիմնականում պահում դեսպանատունը, արդեն մեկնել է երկրից:
Նշենք նաև, որ Հրաչյա Աղաջանյանը Դանիայում ՀՀ դեսպանն է 2011 թվականից, նրան փոխարինելու է ԱԺ նախկին պատգամավոր Ալիկ Արզումանյանը:
Studio One