G20 գագաթնաժողովի առաջին օրը հրաշալի է անցել. Թրամփ (տեսանյութ)
Միացյալ Նահանգների նախագահ Դոնալդ Թրամփը հայտարարել է, որ G20 գագաթնաժողովի առաջին օրը հրաշալի է անցել և որ ինքն անհամբեր սպասում է միջոցառման հաջորդ օրվան: Այս մասին 71-ամյա ղեկավարը գրել է իր թվիթերյան միկրոբլոգում:
«Համբուրգում՝ G20 գագաթնաժողովին, համաշխարհային առաջնորդների հանդիպման առաջին օրը հրաշալի էր: Երկրորդ օրվա սպասումով»,-գրել է Թրամփը:
Բացի այդ, Սպիտակ տան ղեկավարը Twitter-ում հրապարակել է գագաթնաժողովի ժամանակ արված լուսանկարների տեսաշար:
Հիշեցնենք, որ նախօրեին գագաթնաժողովի շրջանակում կայացել է Թրամփի՝ Ռուսաստանի Դաշնության նախագահ Վլադիմիր Պուտինի հետ առաջին պաշտոնական հանդիպումը, որը նախատեսվածից ավելի երկար է տևել:
Ինչպես նշում են լրատվամիջոցները, Վլադիմիր Պուտինի ու Դոնալդ Թրամփի առաջին հանդիպումը Համբուրգում նախատեսված կես ժամի փոխարեն 2 ժամ 20 րոպե է տևել:
Հանդիպման ավարտից հետո ԱՄՆ պետքարտուղար Ռեքս Թիլերսոնը հայտարարել է, որ ԱՄՆ-ի ու Ռուսաստանի նախագահներ Դոնալդ Թրամփն ու Վլադիմիր Պուտինը բանակցությունների մեծ մասը Սիրիայի խնդրին են նվիրել:
Մինչդեռ ՌԴ արտգործնախարար Սերգեյ Լավրովը նշել է, որ Պուտինի ու Թրամփի հանդիպումը կառուցողական էր, ու հաստատել է փոխշահավետ պայմանավորվածություններ ձեռք բերելու հարցում նրանց վճռականությունը:
Great first day with world leaders at the #G20Summit here in Hamburg, Germany. Looking forward to day two! #USA pic.twitter.com/bLKgZKQemw
— Donald J. Trump (@realDonaldTrump) 7 июля 2017 г.










