Աշխարհի տարբեր քաղաքներում մարդիկ հերթ են կանգնել 1.000 դոլարանոց iPhone X-ը գնելու համար (լուսանկարներ)

13:59 • 03.11.17

Ամերիկյան Apple տեխնոլոգիական ընկերությունն այսօր՝ նոյեմբերի 3-ին, պատրաստվում է վաճառքի հանել երբևէ ստեղծված ամենաթանկ iPhone-ը՝ iPhone X-ը, որն արժե 1.000 դոլար:

Այդ կապակցությամբ «խնձորային» բրենդի բազմաթիվ երկրպագուներ նախապես հերթեր են կազմել Apple-ի խանութների մոտ՝ ցանկանալով առաջիններից մեկը գնել սմարթֆոնը:

Ինչպես նշում է The Daily Mail-ը, հերթերը գոյացել են աշխարհի տարբեր քաղաքներում: Հետաքրքրական է, որ հանուն բաղձալի iPhone-ի մարդիկ անտեսել են նույնիսկ ցուրտը:

Ոլորտի վերլուծաբանները կանխատեսում են, որ iPhone X-ի պահանջարկը հսկայական է լինելու:

Ինչպես ավելի վաղ հայտնել էր Tert.am-ը, Apple ընկերությանը հաջողվել է լուծել նոր iPhone X սմարթֆոնի զանգվածային արտադրության հետ կապված բոլոր խոչընդոտները, ինչի շնորհիվ ընկերությունն այժմ ունի սմարթֆոնի բավականաչափ պահուստ:

Հոկտեմբերի վերջին 1.000 դոլար արժողությամբ սմարթֆոնը հասանելի է դարձել նախնական պատվերի համար: Հայտնի է, որ նորաձև սարքն իրական իրարանցում է առաջացրել նախնական պատվերի կայքերում:

Apple-ը դեռևս չի մանրամասնել, թե որքան iPhone X-ի նախնական պատվեր է տրվել:

Հավելենք, որ նոր iPhone X-ի գլխավոր առաձնահատկություններն են FaceID դիմաճանաչողական գործառույթն ու TrueDepth գերժամանակակից տեսախցիկը:

After months of anticipation, the iPhone X will finally go on sale to users around the world tomorrow

Queues at Apple stores are likely to be big, and Apple advises customers to 'arrive early.' Fans eager to get their hands on the device started to line up outside the Apple store in Manhattan, New York from Monday

A queue started forming for the iPhone X outside the Apple store on London's Regent Street yesterday Pictured are queues outside the Moscow Apple store today