Լողափում անհրաժեշտ նորաձև իրեր. խորհուրդ է տալիս Արփինե Կոշտոյանը

Արև, ջուր, արևայրուք. ամառային հանգստի լավագույն տարբերակը ծովափնյա հանգիստն է։ Շատերն այս սեզոնին շտապում են ծովափնյա քաղաքներ հանգստանալու։ Սակայն այդքան էլ հեշտ չի հավաքել ճամպրուկը։ Հատկապես աղջիկները շատ են մտածում` ինչ վերցնել, ինչը` ոչ, որն է նորաձև, որը` ոչ։ Tert.am Life–ը հագուստի մոդելավորող և ոճաբան Արփինե Կոշտոյանի հետ ներկայացնում են լողափում անհրաժեշտ նորաձև իրերը։

   Լողազգեստ։ Թերևս, առաջնայինը, որ պետք է ճամպրուկի մեջ դնել, լողազգեստն է։ Այս տարի 60–ակաների նորաձևությունը վերադարձել է։ Նորաձև են բարձր գոտկատեղով լողազգեստները, որոնք կարող են կրել իդեալական կառուցվածք ունեցող աղջիկները։ Փոռիկներով լողազգետն էլ է այս տարի նորաձև, որը խորհուրդ կտամ հագնեն այն աղջիկները, որոնց կոնքերն ու կրծքավանդակը անհամաչափ են։ Այսինքն` եթե կրծքավանդակը փոքրի է վերևամասը պետք է փոռիկներ լինի և հակառակը։ Այս տար նորաձև են նաև փակ լողազգեստները` գեղեցիկ կտրվածքներով և նախշազարդ լողազգեստները (ծաղիկներ, թռչուններ և այլն), որոնք թաքցնում են մի շարք թերություններ։

   Գլխարկ։ Անկախ իրենց ձևից, գլխարկներն ամռանն արդիական են։ Թե՛ կեպիները և թե՛ լայնեզր գլխարկները նորաձև են։ Կեպիները կարող են կրել և՛ առօրյայում, և՛ լողափին։ Իսկ լայնեզր գլխարկները, հիմնականում, լողափին է հարմար կրել։

   Պայուսակ։ Այս տարի նորաձև են ուսապարկերը։ Լողափին կարող ենք շատերին տեսնել ուսապարկերով։ Բայց ավելի հարմարավետ է մեծ սովորական գեղեցիկ գունային գամայով կամ հետաքրքիր նախշով պայուսակ վերցնել։ Նորաձևությունից դուրս չի եկել ծղոտյա պայուսակները։ Այն կարելի է համադրել ծղոտյա լայնեզր գլխարկի հետ, որը պարտադիր չէ նույն գունային գամայի լինել։