«Ինձ դուր են գալիս ազնիվ տղամարդիկ». Ժաննա Վելիցյան

Tert.am Life-ի բլից հարցերին այս անգամ պատասխանել է դերասանուհի Ժաննա Վելիցյանը:

- Ո՞ր ժամին եք արթնանում, և ինչպե՞ս եք սկսում օրը:

- Կախված նրանից, թե, երբ եմ քնում, երբ են ավարտվում ներկայացումները կամ նկարահանումները: Քնում եմ այնքան, որ օրգանիզմս կարողանա հանգստանալ, թեև էդպես գրեթե չի լինում: Օրը սկսում եմ մեկ գավաթ գոլ ջրից, սուրճից և շատ համեղ նախաճաշից:

- Փոքր ժամանակ ի՞նչ էիք երազում դառնալ:

-  Շա՜տ փոքր ժամանակ երազում էի բժիշկ դառնալ: Ավելի ուշ՝ դերասանուհի: Եվ դարձա:

- Ամենամեծ սուտը, որ լսել եք Ձեր մասին:

- Որ ամուսնացած եմ:

- Ինչո՞վ է օգնում և խանգարում դերասան լինելը կյանքում:

- Օգնում է նրանով, որ սկսում ես մարդկանց ավելի լավ ճանաչել: Խանգարում է, երբ բոլորին թվում է, թե դու անվերջ խաղում ես իրական կյանքում: Այնինչ իրական կյանքում հակառակը, փորձում եմ լինել ես՝ այնպիսին ինչպիսին կամ:

- Ի՞նչը կարող է ձեզ հունից հանել:

- Սուտը: Անազնվությունը: Մարդկային այն տեսակը, երբ խոսում ես հետը և հանդիպում մարտնչող տգիտության: Անարդարությունը:

- Ինչպիսի՞ տղամարդիկ են ձեզ դուր գալիս:

- Ազնիվ:

- Հաճա՞խ եք խոհանոցում լինում և ի՞նչ եք հաճույքով պատրաստում:

- Խոհանոցում լինում եմ, եթե ունեմ ժամանակ: Ամենաշատը սիրում եմ պատրաստել առողջ ուտելիքներ:

- Տաքսու մեջ հնչող վատ երաժշտությունը ստիպված լսո՞ւմ եք, թե խնդրում եք անջատել:

- Երբեմն չափազանց անհանդուրժող եմ վատ երաժշտության հանդեպ, երբեմն պարզապես չեմ ուզում նեղացնել վարորդին, ստիպված լսում եմ:

- Ինչի՞ց եք վախենում:

- Մահից: Պատերազմներից: Ինքս ինձ կորցնելուց: Չփրկվելուց:

- Ինչի՞ մասին եք երազում:

-  Հոգու խաղաղության:

Հեղինակ՝ Անի Մնացականյան