7 մթերք, որոնք կանանց օրգանիզմի համար շատ ավելի օգտակար են քան տարածված «սուպերֆուդերը»

Սննդամթերքի որոշ տեսակներ ավելի օգտակար են համարվում, քանի որ պարունակում են ավելի շատ վիտամիններ ու հակաօքսիդանտներ: Մասնագետները նման մթերքն անվանում են «սուպերֆուդ» և դրանց շարքին են դասում հապալասը, ավոկադոն, չիայի սերմերը, սաղմոնը, սպիրուլինան և այլն:

 

Այնուամենայնիվ՝ կան նաև սննդամթերքի տեսակներ, որոնք չեն համարվում «սուպերֆուդ», սակայն շատ ավելի օգտակար են կանանց օրգանիզմի համար: Ձեր ուշադրությանն ենք ներկայացնում դրանցից մի քանիսը:

 

1.      Սխտորն օգտակար է սրտամկանի և ոսկորների համար

 

Սխտորի 6 պճեղի մեջ պարունակվում է վիտամին B6-ի օրական անհրաժեշտ չափաբաժնի 17%-ը և մանգանի 23%-ը: Մարզումների ժամանակ այն կօգնի նվազեցնել սրտամկանի վրա գործադրվող ծանրաբեռնվածությունը:

 

Բացի այդ, սխտորը շատ օգտակար է նաև ոսկորների համար, ուստի այն խորհուրդ է տրվում օգտագործել դաշտանադադարից հետո, քանի որ այդ ժամանակ սկսում է նվազել օրգանիզմում էստրոգենի մակարդակն, ինչի հետևանքով քայքայվում են ոսկորները: Մասնագետները նշում են, որ օրական ընդամենը ½ պճեղ սխտորը (2 գրամ) կօգնի խուսափել օստեոպորոզից:

 

2.      Տավարի միսը մեղմում է նախադաշտանային համախտանիշի ախտանշաններն ու պաշտպանում է անեմիայից (սակավարյունություն)

 

100 գրամ միսը պարունակում է ցինկի օրական անհրաժեշտ չափաբաժնի 53%-ը, վիտամին B12-ի 40%-ը, երկաթի 16%-ը և վիտամին B2-ի 12%-ը: В12 и В2 վիտամինները մեղմում են նախադաշտանային համախտանիշի ախտանշանները, իսկ երկաթն օգնում է ազատվել դրա դեֆիցիտի հետևանքով առաջացած թուլությունից, գլխապտույտներից ու գունատությունից:

 

Միևնույն ժամանակ միսն օգնում է վերականգնել դաշտանի ժամանակ կորցրած երկաթի մակարդակը, իսկ դրանում պարունակվող ցինկը պահպանում է մազերի ու եղունգների առողջությունը:

 

3.      Բրյուսելյան կաղամբը պաշտպանում է կատարակտից ու կնճիռներից

 

Կես բաժակ բրյուսելյան կաղամբը պարունակում է վիտամին C-ի օրական անհրաժեշտ չափաբաժնի 81%-ը, իսկ վիտամին K-ի 137%-ը: Կաղամբի այս տեսակը շատ օգտակար է աչքերի համար և պաշտպանում է աչքերի տարբեր հիվանդություններից:

 

Բացի այդ, այն հարուստ է վիտամին C-ով, որը նպաստում է կոլագենի արտադրմանը, արագացնում է վերքերի ապաքինումն ու կանխում է կնճիռների առաջացումը:

 

4.      Լոլիկը պաշտպանում է այրվածքներից, դեպրեսիայից ու կրծքագեղձի քաղցկեղից

 

Մեկ բաժակ լոլիկը պարունակում է վիտամին А-ի օրական անհրաժեշտ չափաբաժնի 47%-ը, վիտամին C-ի 42%-ը, իսկ վիտամի B9-ի 11%-ը: Լոլիկի մեջ պարունակվող վիտամին A-ն անչափ կարևոր է մազերի ու մաշկի համար, իսկ լիկոպինը պաշտպանում է արևի վնասակար ազդեցությունից ու այրվածքներից:

 

Վիտամին B9-ը նպաստում է բջիջների աճին ու զարգացմանը, ուստի շատ կարևոր է հղիների համար: Բացի այդ, այս վիտամինը պաշտպանում է դեպրեսիաներից ու կրծքագեղձի քաղցկեղից:

 

5.      Կարտոֆիլը պաշտպանում է ազատ ռադիկալներից, նվազեցնում է ուտելու ցանկությունը

 

Առանց կեղևազրկելու ջեռոցում եփված կարտոֆիլի ընդամենը 300 գրամը պարունակում է վիտամին C-ի օրական անհրաժեշտ չափաբաժնի 48%-ը և վիտամին B6-ի և կալիումի 46%-ը: Այն պարունակում է մեծ քանակությամբ հակաօսիտանտներ, որոնք պաշտպանում են ազատ ռադիկալների վնասակար ազդեցությունից:

 

Բացի այդ, կարտոֆիլն օգնում է նվազեցնել ուտելու ցանկությունը, իսկ դրանում պարունակվող վիտամին B6-ը բարելավում է նյութափոխանակությունը:

 

6.      Բալն ազատում է մկանային ցավից ու անքնությունից

 

Մեկ բաժակ բալը պարունակում է վիտամին A-ի օրական անհրաժեշտ չափաբաժնի 40%-ը և վիտամին C-ի 20%-ը: Բալի հյութն օգնում է մեղմել մարզումներից հետո առաջացող մկանային ցավն ու նպաստում է արագ վերականգնմանը: Բացի այդ, այն հիանալի միջոց է անքնությունից ազատվելու համար:

 

Այս հյութը շատ կարևոր է նաև դաշտանադադարի ժամանակ: Բանն այն է, որ էստրոգենի մակարդակի նվազումը բարձրացնում է Ալցհեյմերի հիվանդության առաջացման հավանականությունը, մինչդեռ բալի հյութը պաշտպանում է գլխուղեղի բջիջները:

 

7.      Կեֆիրը պաշտպանում է կրծքագեղձի քաղցկեղից, սթրեսից և քաշի հետ կապված խնդիրներից

 

Մի բաժակ կեֆիրը պարունակում է կալցիումի օրական անհրաժեշտ չափաբաժնի 21%-ը, ֆոսֆորի 20%-ը և վիտամին B12-ի 14%-ը: Այն հարուստ է պրոբիոտիկներով, ինչի շնորհիվ օգնում է պահպանել ստամոքսի առողջությունն ու առողջ քաշը:

 

Կեֆիրը նաև նվազեցնում է անհանգստության ու սթրեսի մակարդակը և օգնում է հաղթահարել դեպրեսիան: Բացի այդ, ուսումնասիրությունները ցույց են տվել, որ այս մթերքը հիանալի միջոց է կրծքագեղձի քաղցկեղի դեմ պայքարելու համար:

 

Նյութի աղբյուրը՝ adme.ru