Վիրուսաբանը նշել է՝ ինչ լուրջ բարդություններ կարող են ի հայտ գալ բնական ծաղկի պատվաստանյութի հետևանքով

20:32 • 09.07.22

Վիրուսաբան Ալեքսանդր Բուտենկոն Ura.ru-ի հետ զրույցում հայտնել է՝ ինչ վտնագավոր ու ծանր կողմնակի բարդություններ կարող են ի հայտ գալ բնական ծաղկի պատվաստանյութի հետևանքով։

«Պատվաստանյութը, որը հաջողությամբ կիրառվել է բնական ծաղկի վերացման համար, ստեղծվել էր կովի ծաղկի հիման վրա։ Փաստացի դա բնական ծաղիկն է։ Այդ պատվաստանյութը խիստ ռեակտոգեն է։ Հաճախ էին լինում հետպատվաստումային էնցեֆալիտի զարգացման դեպքերը, այսինքն՝ պատվաստվածների մոտ ծանրագույն հիվանդություն էր զարգանում։ Սա կենտրոնական նյարդային համակարգի ախտահարում է, որը պայմանավորված է նրանով, որ ոմանք ավելի ընկալունակ են այս վարակի նկատմամբ», - բացատրել է մասնագետը։

Նրա խոսքով՝ պատվաստանյութերի մեծ մասի նկատմամբ մարդկանց օրգանիզմի արձագանքը շատ տարբեր է լինում, ինչը կապված է իմունային համակարգի հետ։

«Կարելի է նշել դեպքեր, երբ ամենահուսալի պատվաստանյութերը, օրինակ՝ դեղին տենդի դեմ պատվաստանյութը, մնացորդային ազդեցություններ ու ռեակցիաներ են ունեցել կենտրոնական նյարդային համակարգի ախտահարման հետ մեկտեղ։ Պոլիոմիելիտի դեմ կիրառվող պատվաստանյութն անվնաս է թվում, սակայն այնտեղ էլ պատվաստանյութի երեք հիմնամանրէների փոփոխության արդյունքում դրանցից մեկն օրգանիզմում վայրի էր դառնում։ Արդյունքում կար հետպատվաստումային պոլիոմիելիտով մարդկանց դաս», - նշել է Բուտենկոն։

Վիրուսաբանի խոսքով՝ առայժմ հայտնի չէ՝ կլինի արդյոք հին պատվաստանյութն արդյունավետ նաև ծաղկի նոր վիրուսի դեմ, թե ոչ։ Բացի այդ, կան մարդիկ, որոնց պատվաստումը հակացուցված է։ Խոսքը, օրինակ, ալերգիաներ ունեցողների մասին է, քանի որ ալերգիաների դեպքում մարդիկ հակված են ծանր ռեակցիաների, այդ թվում նաև կյանքի համար վտանգավոր անաֆիլակտիկ շոկի զարգացման։

Բուտենկոն նաև հավելել է, որ բնական ծաղկի դեմ պատվաստանյութը ծաղկի այս վիրուսի դեմ կիրառելն այժմ, այնուամենայնիվ, հնարավոր չէ։

«Այն արտոնագրված չէ և չի անցել փորձարկումներ կապիկի ծաղկի դեմ։ Այն տեսքով, որով պատվաստանյութն ստեղծվել է, ներկայում այն օրինականորեն չի կարող կիրառվել», - եզրափակել է մասնագետը։