3 արդյունավետ բնական միջոց հոդատապը բուժելու և հոդացավերը մեղմելու համար

19:56 • 18.11.19

Հոդատապը բավական ցավոտ զգացողություններով ուղեկցվող հիվանդություն է, որը պայմանավորված է լինում հոդերում միզաթթվի աղերի կուտակումով: Այս հիվանդությունը կարող է ախտահարել բոլոր հոդերը, սակայն ամենից հաճախ տուժում են հենց ոտնաթաթի մատների հոդերը:

Սա բավական տհաճ խնդիր է, որը կարող է խիստ բացասաբար անդրադառնալ հիվանդի կյանքի որակի վրա: Այս խանգարման դեպքում հարկավոր է դիմել մասնագետին ու հետևել նրա բոլոր ցուցումներին: Նման դեպքերում մասնագետը նշանակում է անհրաժեշտ բուժումն ու դիետան, որին հարկավոր է խստորեն հետևել: Հոդատապի դեպքում հարկավոր է սննդակարգը հարստացնել բանջարեղենով (բացառությամբ լոլիկի ու բողկի) և խուսափել տապակած մթերքից, յուղոտ արգանակներից ու ալկոհոլից:

Այս հիվանդության դեմ գոյություն ունեն տարատեսակ դեղամիջոցներ, սակայն կան նաև բավական արդյունավետ բնական միջոցներ, որոնց ընդունումը կօգնի արագացնել բուժման գործընթացն ու մեղմել տհաճ զգացողությունները: Ձեր ուշադրությանն ենք ներկայացնում դրանցից մի քանիսը:

Երեկոյան 3 ճաշի գդալ բրնձին ավելացնել 1 լիտր սառը ջուր ու թրմել ամբողջ գիշեր, իսկ առավոտյան ջուրը քամել, բրնձին ավելացնել մաքուր ջուր և եփել այնքան ժամանակ, մինչև ջրի մեծ մասը գոլորշիանա և ստացվի ոչ շատ պինդ շիլա: Այս շիլան հարկավոր է ուտել ամեն առավոտ դատարկ ստամոքսին (առանց աղի):
Երիցուկի չորացրած ծաղիկներին ավելացնել մի փոքր ջուր, դնել կրակին ու եռացնել մինչև ստացվի թանձր զանգված: Այնուհետև ստացված խյուսանման զանգվածը թողնել սառչի և կիրառել կոմպրեսների տեսքով:
1 ճաշի գդալ կեչու բողբոջներին ավելացնել մի բաժակ եռման ջուր, 15 րոպե թրմել տաք գոլորշու վրա, ապա ևս մեկ ժամ՝ թերմոսի մեջ: Ստացված թուրմը քամել և խմել օրական 3 անգամ 1/3 բաժակ:

Այս բնական միջոցները շատ արդյունավետ են, սակայն հարկ է հիշել, որ մինչ դրանց գործածությունը հարկավոր է անպայման դիմել մասնագետին, քանի որ ինքնաբուժությունը կարող խիստ վնասակար լինել ու էլ ավելի վատթարացնել հիվանդի վիճակը:

Նյութի աղբյուրը՝ aif.ru