«Bon Pharm» ընկերությունն իր պրեպարատներն արդեն ավելի քան 13 տարի է՝ ներկայացնում է հայկական դեղագործական շուկայում

10:59 • 23.12.22

2009 թվականից հայկական դեղագործական շուկայում իր ուրույն տեղն է զբաղեցնում «Bon Pharm» ընկերությունը, որն ապահովում է իր արտադրանքի անվտանգությունը եւ բարձր որակը:

«Bon Pharm»-ն իր պրեպարատներով արդեն ավելի քան 13 տարի է՝ պայքարում է կնոջ անպտղության դեմ, հոգ է տանում հղիների և պտղի բնականոն զարգացման մասին, ապահովում պրեպարատներ, որոնք բարելավում են իմունային համակարգը: Tert.am Med-ի հետ զրույցում դեղագործական ընկերության գլխավոր մենեջեր եւ մարքեթինգի բաժնի ղեկավար Քրիստինա Թալիշյանը խոսել է պրեպարատների կարևության, անվտանգության, ձեռքբերման ճանապարհների և խնդիրների մասին։

-Ի՞նչ ուղղվածություն ունի դեղագործական ընկերությունը։

- «Bon Pharm» ընկերությունը հիմնադրվել է 2000թ․ Միացյալ Նահանգներում, իսկ 2009 թվականին, ընդլայնելով իր գործունեությունը, հիմնվել է Հայաստանյան ներկայացուցչությունը: Շուրջ 13 տարի մենք հանրությանն ապահովում ենք բարձրորակ վիտամիններով և վերջին մեկ տարվա ընթացքում՝ դեղորայքով:

-Ինչպիսի՞ն է դեղագործական շուկան Հայաստանում և ի՞նչ սպառում ունեն Ձեր պրոդուկտները, որո՞նք են Ձեր պրեպարատների առանձնահատկությունները և առավելությունները։

-Իրականում տեսականին շատ մեծ է, և կարևոր է բարձրորակ արտադրանք առաջարկելը։ Կուզեի նշել ,որ «Bon Pharm» ընկերությունը Հայաստանում առաջիններից էր, որ կարևորեց բիոլոգիական սննդային հավելումներում ակտիվ նյութերի գաղափարը: Մանրամասնեմ. երբ մենք ընդունում ենք վիտամինը, սովորաբար այն լինում է ոչ ակտիվ ձևաչափով և օրգանիզմը տևական «աշխատանք է» տանում՝ վերածելով այն ակտիվ նյութի։ «Bon Pharm»-ն առանձնանում է իր տեսականիով, քանի որ բիոակտիվ հավելումների մեջ կիրառվում են ակտիվ նյութեր, ինչն էլ նպաստում է, որ բաղադրիչները հեշտ յուրացվեն և ազդեցությունը լինի ավելի արդյունավետ:

-Հայաստանում ինքնաբուժությունը գտնվում է բարձր մակարդակի վրա, և մարդիկ ինքնուրույն որոշում են վիտամիններ և տարբեր դեղահաբեր ընդունել, որոնք նաև կարող են վնասել: Ձեր պրեպարատների պարագայում կա՞ այդպիսի վտանգ։

-Դեղորայքի պարագայում արգելվում է առանց բժշկի ցուցումների որևէ բան ընդունել, բայց սննդային հավելումների պարագայում իրավիճակը մի փոքր այլ է: Եթե դիտարկենք միջազգային փորձը, վիտամինները բաց վաճառքի են և ցուցադրված են նույնիսկ սուպերմարկետներում: «Bon Pharm» ընկերությունը կազմակերպում է տարատեսակ կոնֆերանսներ, որտեղ ներկայացնում ենք մեր արտադրանքը՝ մանրամասնելով՝ ինչպես և ինչ չափաբաժնով է պետք ընդունել մեր պրեպարատները: Կցանկանայի ևս մեկ անգամ նշել, որ ցանկացած պրեպարատ ցանկալի է ընդունել բժիշկի հետ խորհրդակցելուց հետո։

-Խոսենք Ձեր պրեպարատների մասին: Ի՞նչ պրոդուկցիա է ներկայացնում «Bon Pharm»-ը։

-«Bon Pharm»-ի առաջնային պրոդուկտները հենց վիտամիններն են: Մենք առաջիններից էինք, որ բարձրաձայնեցինք տղամարդու անպտղության խնդիրների մասին և ստեղծեցինք «MEGASPERMIN» պրեպարատը, որն իր տեսակով միակն է շուկայում։ Նաև ներկայացնում ենք կանանց համար նախատեսված պրեպարատներ, որոնք ևս պայքարում են անպտղության դեմ։

Ունենք հատուկ շարք հղի կանանց համար, որն ունի լայն տարածում և պահանջարկ: Հիմնական հումքը Եվրոպայից է և Միացյալ Նահանգներից։

Նշենք, որ Հայաստանում մենք չենք զբաղվել և չենք զբաղվում արտադրությամբ, մենք ներկայացնում ենք արտադրանքը:

-Ո՞րն է ամենաշատ պահանջարկ վայելող պրեպարատը:

-Կարող եմ նշել «NON STRESS FORTE»-ն, որը կարգավորում է նյարդային համակարգը, հարստացնում է օրգանիզմը՝ վիտամիններով և հանքանյութերով, որոնք անհրաժեշտ են հոգեհուզական և սթրեսային ծանրաբեռնվածությունը կարգավորելու և կայունացնելու համար, ինչպես նաև լավացնում է մտավոր գործունեությունը: Ուզում եմ ընդգծել, որ պրեպարատն ունի բուսական ծագում և չի առաջացնում կախվածություն, բայց անգամ այս պարագայում մենք միշտ շեշտում ենք, որ բժշկի հետ խորհրդակցությունից հետո օգտագործումն ավելի գրագետ է: Այս շրջանում իմունային համակարգի բարելավման համար պահանջարկ ունի «IMMATON MAX»-ը և Վիտամին C-ն, որոնք պայքարում են սեզոնային գրիպի դեմ՝ բարելավելով իմունային համակարգը:

-Գնորդը կարողանո՞ւմ է հենց «Bon Pharm»-ից ստանալ պրեպարատները:

-Այո, մենք տալիս ենք հնարավորություն պացիենտներին ստանալ պրեպարատները հենց ներկրողից, չնայած՝ արտադրանքն առկա է քաղաքի գրեթե բոլոր դեղատներում: Մենք առաջարկում ենք անվճար առաքում Երևանի ամբողջ տարածքում և մարզերում ՝ փորձելով ամեն կերպ գոհացնել և պիտանի լինել մեր հաճախորդներին: «Bon Pharm» ընկերությունը ունի թե՛ ինստագրամյան, թե՛ ֆեյսբուքյան էջեր, որոնց միջոցով պացիենտը կարողանում է պատվեր կատարել:

-Վերջին շրջանում մարդիկ որոշակի պրեպարատներ պատվիրում են կայքերով՝ ավելի մատչելի ձեռք բերելու համար, բայց հետագայում բախվում են առողջական խնդիրների, որքանո՞վ է «Bon Pharm»-ի պրոդուկցիան մատչելի:

-Շատերը պատվիրում են արտասահմանյան օնլայն կայքերից, թե որքանով է դա անվտանգ, և արդյոք տվյալ պրեպարատներն ունեն լիցենզիա կամ երաշխավորագիր, դա թողնում եմ առանց մեկնաբանության։ Որոշ մարդիկ առաջնահերթությունը տալիս են մատչելիությանը: Ուզում եմ շեշտել, որ մեր ընկերության արտադրանքը բարձրորակ է, արդյունավետ, իսկ հումքը՝ բնական։ Հանրությունը պետք է գիտակցի, որ առողջությունն ամենաթանկն է և հենց առողջության վրա պետք չէ խնայել, իսկ ինչ վերաբերում է մեր արտադրանքին, «Bon Pharm»-ի ամբողջ տեսականին լիցենզավորված է: